नेपाली हास्यव्यङ्ग्य अनलाइन पत्रिका

कति प्रेमै मात्रै गरिरहनु हो, पुगेन र अझै ?
यतिका लात खाइ सकियो, मुटु दुखेन र अझै ?

निद्रा नपुग्नेबाट निद्रा नलाग्ने उमेर भइसक्यो
एक्लै सुत्ने रहर फेरि जागेन र अझै ?

एउटा खाट पनि आधा छोड्नु पर्ने उसका लागि ?
सिङ्गै खाट आफ्नै भन्न मन लगेन र अझै ?

प्रेम दिंदा लिने मात्रै हुन्छन् तर चाहिँदा दिने हुँदैनन्
गरे उनैले गरुन् म गर्दिन प्रेम भन्ने बेला भएन र अझै ?

आउने जानेको भिडले खुइलिएको चउर भईसक्यो मुटु
हरियो दुबो उमार्ने बेला भइसकेन र अझै ?
बत्तिसपुतली, काठमाडौँ