नेपाली हास्यव्यङ्ग्य अनलाइन पत्रिका

संविधानसभा भित्र रहेका धनशक्तिहरू
मीठो मीठो दूध र भात खान्छन्
संविधानसभा बाहिर रहेका जनशक्तिहरू
तातो घाम र चिसो रात खान्छन् ।

जब जब चिन्ताका कारण आउँछ
गुहार्दै हामी एक ठाउँमा केन्द्रित हुन्छौँ
जब सत्ता र भत्ताको कुरा आउँछ
टुक्रिदै हामी जन र धनमा बिघटित हुन्छौँ ।

संविधानको मस्यौदा तयार पार्न गाह्रो
तोडफोड र आन्दोलन गर्न कति सजिलो
समानुपातिक सूचीमा मालदार र नातादार
पार्टी–कार्यकर्तालाई पन्छाउन अति सजिलो ।

एउटा एउटा पार्टीको अर्कै अर्कै चरित्र
राजनीतिमा दलीय र व्यक्तिगत स्वार्थ
कोही भन्छन् प्रक्रिया कोही सहमति
जनताको मनोभावना खेर गयो व्यर्थ
उपाध्यक्ष, अनेसास लस एन्जेलस च्याप्टर
लस एन्जेलस