नेपाली हास्यव्यङ्ग्य अनलाइन पत्रिका

ऊ तरुनी
ऊ राम्री देखिन हुनी
हामीले राम्री हेर्न नहुनी
लुकी लुकी छड्के पारी
तँ पनि हेर्निन
म पनि हेर्निन
हेर्ने काम त सकियो साथी
लौ भन अब
तँ रुनी कि म रुनी
ऊ त नरुनी
ऊ त तरुनी ।

ऊ युवती
उसका “यु टर्न” कति कति
भेटे दुर्गती
नभेटे अगति
देखिहालिस् साथी युवती
छोड अब उन्नति र प्रगति
अब तेरो जे गति
मेरो त्यै गति
ऊ युवती
उसका “यु टर्न” कति कति
लौ भन् अब
तँ रुनी कि म रुनी
ऊ त नरुनी
ऊ त तरुनी ।

ऊ सुन्दरी
लिएर आ सुन ओच्छ्या दरी
नहेर अब घरि घरि
आँखा लडी हाल्यो
बुद्धि सड़ी हाल्यो
मनमा गडी रमाउनी
लौ भन् साथी–
अब तँ रुँनी कि म रुँनी ?
ऊ त नरुँनी
ऊ त तरुनी ।
काठमाडौं