उत्तमकृष्ण मजगैयाँम आगोको फिलिङ्गो
रहस्य कति छन् भित्र गहिरो त्यो कुवाँ जस्तो !
छु बाहिर कडा जस्तो मुटु मेरो रुवा जस्तो !
फुकेरै पाइला चालें समालेरै कुदें साथी
जिन्दगी दाउमा राखी खेलिएन जुवा जस्तो !
म साठी वर्षको मान्छे कि साठामा नि पाठा हुँ ?
युवाकै साथमा लागी बनेको हुँ युवा जस्तो !
मलाई जिन्दगानीले उमाल्यो खारिएँ धेरै
कि मानौं दूध घोटेरै बनाएको खुवा जस्तो !
छ अझैं जोश छातीमा युद्धै लड्नुपरे पनि
म आगोको फिलिङ्गो हुँ नभन्नू है धुवाँ जस्तो !
कुनै दुष्कृत्यका सामु झुक्ने छैन कसैगरी
ओजिलो छु नसम्झे है हलुङ्गो त्यो भुवा जस्तो !
दाङ
Subscribe
Login
0 Comments
Oldest
