नेपाली हास्यव्यङ्ग्य अनलाइन पत्रिका

कुनै प्लेन हाईज्याकरले जहाज नेपालमा उतारेर माग राख्यो भने के होला ?

उसका माग पुरा गराउन खरदारले टिप्पणी उठाउँछ, सुब्बाले सिफारिस गर्छ, अधिकृत २ हप्ताको घरबिदाबाट फर्केपछि बल्ल उपसचिवकोमा फाईल पेश गर्छ, उसले सहसचिवकोमा पठाउछ, सहसचिवले सचिवलाई पठाएपछि फाईल क्यूमा बस्छ । यति गर्न थप २ हप्ता लाग्छ । सचिवले सदर गरेर मन्त्रीकोमा पठाउंछ, मन्त्रीले क्याबिनेट बैठकमा १ महिनापछि पेश गर्छ । एउटा वकिलले सर्बोच्चमा रिट हाल्छ ।

क्याबिनेटले ३ महिनाभित्र प्रतिवेदन पेश गर्ने गरी छानबिन आयोग गठन गर्छ, त्यसको म्याद फेरि १ महिना थपिन्छ । ४ महिनापछि क्याबिनेटबाट संसदीय समितिमा पेश हुदा बाझाबाझ गर्दा २ महिना बित्छ ।

हाइज्याकर हैरान भएर सरेन्डर गर्छु भन्छ । सरेन्डर गर्न मिल्छ मिल्दैन भनेर फेरि खरदारले टिप्पणी उठाउन शुरू गर्छ र उहि प्रकृया दोहोरिंदासम्म हाईज्याकरको हर्ट याट्याक भएर जहाजभित्रै मृत्युु हुन्छ ।

मान्छे नै मरिसकेको हुंदा निर्णय गरिरहन नपर्ने भन्दै सर्बोच्चले १० महिनापछि फैसला गर्छ ।

देवेन्द्र कोइरालाको फेसबुक भित्तोबाट