नेपाली हास्यव्यङ्ग्य अनलाइन पत्रिका

घर पुरै भत्केको छ
खेत चर्केको छ
त्रिपाल ओढेको छ
आधा ज्यानमात्र भिजेको छ
आधा परिवार अझै जिउंदै छ
कहिले “चा–उचाउ” डुलेर आइपुग्छ
कहिले “चा–मल” खुलेर आइपुग्छ
हामीलाई सन्चै छ
हामीलाई ठिकै छ
घर बनाउन ढुंगा प्रशस्त छ
भिर ओर्लेर आँगनमा आइपुगेको छ
माटो मुछ्न पानी पनि छ
खोला उर्लेर गाउँतिर आएको छ
ज्यान बचाउन मात्र गाह्रो छ
छाक जोगाउन साह्रो छ
होइन भने ठिकै छ
हामीलाई सन्चै छ ।

काठमाडौं