हरि खनालकहिलेसम्म ?
मान्छेहरू बोकिरहन्छन्
ऊ बोकिइरहन्छ
ह्वाङ्ग भएको जामालाई
घरिघरि छोपिरहन्छ
उत्सर्जन काँधमै गरिदिन्छ
गर्जन काँध मैं गरिरहन्छ
ऊ मात्तिएर उफ्रिन्छ बोक्नेहरू मुसार्छन्
उसका हजार लात्ती सहेर
बोक्नेहरू किचिक्क हाँस्छन्
बस् यही धर्म छ बोक्नेको
यही मर्म छ बोक्नेको
एक्लै सोच्छु कहिलेकाहीँ
म पनि बोक्ने मध्यकै
विचरो नेपाली जनता
ऊ सँधै थाप्लोमा टेक्ने
निर्दयी र पराश्रयी सत्ता ।
काठमाडौं
२०७३
Subscribe
Login
0 Comments
Oldest
