प्रकाश चापागाइँआस्था बेच
आस्था बेच इमान बेच पसिना बेच्द्यौ निसाना पनि
जङ्गे पिल्लर बेचिद्यौ मुलुका बेच्द्यौ सिमाना पनि {{read_more}}
भाषा संस्कृति बेच शेष छ अझै अस्तित्वनैँ बेचिद्यौ
पानी हैन मुहान बेच गिरिनैँ बेचेर सिद्धयाइद्यौ
आसाका नवपालुवा युवकका यो देश बोक्ने बल
बेचे हुन्छ नराख गुन्द्रुकसरि साँचेर के हुन्छर ?
बेच्द्यौ यौवन यौनका पसलमा चेलीहरूका अनि
आफूँ रित्तिनुको मजा अझ लिँदै बेच्द्यौ बिहानी पनि
बेच्द्यौ निश्छल भावना हृदयका संवेदना बेचिद्यौ
मान्छेका सुविचारयूक्त सपना सद्भावना बेचिद्यौ
बेचे हुन्छ विकासका प्रगतिका बाटा खुलेका जति
चिप्लेटीसित चिप्लिनू जति मजा होला कहाँ के कति
जाऊ बेच जरीबुटी जति सबै गुल्जार सिङ्गो वन
थुप्रै दुर्लभ जीवजन्तु पनि छन् बेच्दै कमाऊ धन
हाम्रो गौरव बेच बिश्वभरिकै अग्लो सिरानी पनि
माटामा किन मोह गर्नु र सधैँ बेकारको धङ्धङी
बेच्द्यौ गास र बासका पनि कुरा आफूँ अघाए भयो
शिक्षा स्वास्थ्य कपास पुग्छ कसरी आफैँ रमाए भयो
बेच्द्यौ हर्ष उमङ्गका पल सबै बिश्वास भत्के पनि
बेच्नेकै जित हुन्छ बेच्न नसके डुब्छौ अध्यारो मुनी
चितवन
