नेपाली हास्यव्यङ्ग्य अनलाइन पत्रिका

कहिलेकाहिं कसैलाई यसो जिस्कायो भने आफ्नो अनुहार कहिले ऐनामा हेरेका छ ? भन्थे र आफू पनि अरुलाई त्यसै भन्ने गर्थें । {{read_more}} साच्चि भन्दा मैले पनि आफ्नो अनुहार राम्ररी ऐनामा हे¥या रहेनछ । आज एकाविहानै मुखसुख धोएर रुमालले अनुहार पुछ्दै यसो ऐनामा हेरेको त म दङ्ग परें, म जस्तै दुरुस्त पो हुँदो रहेछ ऐनाको मान्छे । अझ म जे गर्छु त्यसै पो गर्छ । हाँस्छु हाँस्छ । निच्च दाँत देखाउँछु ऊ पनि देखाउँछ । नाक समाउँछु ऊ पनि नाकै समाउँछ । आँखा झिम्काउँछु ऊ पनि झिमिक्क आँखा झिम्काउँछ । ए बा यस्तो पनि कहिं हुन्छ ?

म जस्तै त्यो ऐनाको मान्छेको दिमाग कत्तिको रहेछ भनेर जाँच्न फ्याट्ट प्रश्न गर्न मन लागेर ल भन त मान्छेको दाँत कतिवटा हुन्छ भनेको त प्वाक्क भनिदियो बत्तिसवटा हुनुपर्ने हो तर दुर्भाग्य मेरो एकतिसवटा मात्र छ भनेर । म झन अचम्ममा परें मेरो पनि त दाँत एकतिसवटै छ । त्यसमा पनि एउटा फुक्ल्या, एउटा ढुङ्गा लागेर फुट्या अरु दुईवटा बंगरामा स्टिलले छोप्या छ पो भन्छ त ठ्याक्कै मेरै जस्तो । लवाई हेर्दा पनि आफ्नै जस्तो छ । हाउभाउ सबै आफ्नै जस्तो छ । मनमा कुरा खेलाउदै बिहानको नित्यकर्म सकेर चिया उमालेर सुख्खा रोटी चपाउँदै ऐनाको बुढो के गर्दैछ भनेर यसो च्याएको त ऊ पनि पो सुख्खा रोटी चपाउँदै रहेछ । ए, ऊ पनि नास्ता गर्दै रहेछ भनेर भान्सामा गएँ । एकछिन पछि चियाको कप लिएर फेरी सुटुक्क चियाएको, ऊ पनि मेरो जस्तै कपमा चियाको चुस्की लगाउँदै रहेछ । एकछिन त रिसले आँखा पनि देखिन । हैन नक्कल गर्नुपनि एउटा हुन्छ नि जे ग¥यो त्यही गरिदिने ? बद्मास । मज्जाले हप्काउनु प¥यो भनेर चियाको कप भान्सामा राखेर पाखुरा सुर्केर आएँ ऐना अगाडि । मभन्दा पहिला त ऊ नै पो रिसाएछ क्यार आँखा रसिला रसिला पारेर रिसाएको अनुहारले उल्टै मलाई नै पो खाउँला झै गरेर हे¥यो । डर डर पनि लाग्यो एक्लै छु च्याप्प समाएर झ्यामझ्याम हान्यो भने के गर्नु बरु फकाउनु प¥यो भनेर नरम भएर किन रिसाएको भनेको, अनि किन नरिसाउँ म जे गर्छु तिमी त्यसै गर्ने हो त भन्यो । किन रिसाउन लगाउने भनेर मुसुक्क हाँसेर माफ पाउँ भनिदिएँ । 

एकछिनको तातो रिस सेलाएपछि फेरी सोधँे– तिमी एक्लै हौ भनेर । एक्लै छु के गर्नु भन्यो । अनि तिम्रा सन्तान कोही छैनन् भनेको सन्तान त छन् रे तर कोही कता कोही कता छन् रे, मेरा जस्तै । अनि पत्नी त ? भनेको, पत्नी पनि छोरासँग छन् रे एकदम मेरो जस्तै । बिचरो बुढो, सारै माया लाग्यो । म पनि उस्तै त हो नि ल हामी मिलेर गफसफ गर्दै पकाउने खाने गरौं आदि इत्यादि सबै काम गरौं भनेको बिहानै, अहिलेसम्म आएको छैन । जतिखेर हेर्न गयो ठिङ्ग उभिएर बसिरहेकै हुन्छ । देख्नासाथ निच्च दाँत देखाएर हाँस्छ । एकछिनमा निस्केला भनेर कु¥यो निस्किदैन । अरु पनि धेरै कुरा सोध्न मन त थियो, तर बिचराको मन किन अमिल्याउनु भनेर सोधिनँ । सायद उसको आनिबानी पनि मेरो जस्तै होला । मलाई घरबाट बाहिर निस्कनु प¥यो भने आफूभन्दा लामो काँडा उम्रन्छ । म घर कुरुवा, ऊ ऐना कुरुवा त होला नि । यस्तो हुँदो रहेछ ऐना र पो जस्ले पनि तैले तेरो अनुहार ऐनामा हे¥याछस् भन्दा रहेछन् । जे होस् मलाई यो ऐना सारै उपयोगी साथी लाग्यो । दुरुस्तै आफू जस्तो । आज मित्रता दिवस रे, हाम्रो मित्रता पनि अमर अनि अजर रहोस् ।

२०७५।१०।११