नेपाली हास्यव्यङ्ग्य अनलाइन पत्रिका

त्यो धनीले आज फेरी दिउसै दीन जलायो रे
लाग्दै थियो मैन बत्ति एकै छिन जलायो रे ।।

जुन दिन देखि सरकारले बिजुली नै बन्द गर्यो
जनताले सडकमा लालटिन जलायो रे ।।

उत्रे पछि सारा गाउँ मुखियाको बिरुद्धमा
मुखियाले तमसुक अनि ऋण जलायो रे ।।

बिरालोलाइ बाघ देख्ने हाम्रा तिनै प्रहरीले
भुस भनी फेरि आज नै कोकिन जलायो रे ।।

मान्ने छन अचम्म नै त्यस दिन देखि सबले
सुनिनेछ माओबादले ती लेनिन जलायो रे ।।

बिज्ञानले गणितलाई चुनौती नै दिन्छु भनी
दुई पछि चार भन्दै बिचको तीन जलायो रे ।।

अन्तिम हो आज भन्दै टन्न धोक्ने जड्याहाले
गाउँको भट्टी जलायो रे जाड जिन जलायो रे ।।

सुरक्षीत छैनन् कोहि आज पनि हाम्रो देशमा
सुन्छु आफ्नै पिरतिले नै रबिन जलायो रे ।।

जहदा, नवलपरासी