नेपाली हास्यव्यङ्ग्य अनलाइन पत्रिका

‘सर, मेरो मुद्दा ठगी ठहरियो कि लेनदेन ?’– अदालतले धरौटी राख्ने आदेश दिएपछि धरौटी बुझाउन गएको कसुरदारले श्रेष्तेदारलाई प्रश्न राख्यो ।
‘लेनदेन, नत्र त बिगो बमोजिमको धरौटी माग भै हाल्थ्यो नि ।’– श्रेष्तेदारले छोटो उत्तर दियो ।
‘अनि, लेनदेन ठहरिएको भए म बिना धरौटी सादा तारिकमा छुट्नु पर्ने हैन र ? सर, दुई लाख धरौटी चैं किन नि ?’– कसुरदारले जिज्ञासा राख्यो श्रेष्तेदारसँग ।
‘मैले पहिलेनै भनेको थिइनँ त दुई लाख रुपैयाँ लाग्ने भो ठीक पार्नु भनेर । बाहिर धरौटी राखेको भए भित्र राख्नु पर्दैनथ्यो, बाहिर राखेनौ भित्र लाग्यो ।’–श्रेष्तेदारले स्पष्ट पार्यो ।

जुरोपानी– ४, झापा
हाल: मैतीदेवी, काठमाडौँ