नेपाली हास्यव्यङ्ग्य अनलाइन पत्रिका

कसैलाई यही अमृत, कसैलाई जहर !
कसैलाई काउसो भयो, कसैलाई रहर !!

विभाजित समाजमा आफ्नो आफ्नो डम्फु !
सापेक्ष हो सबै कुरा मेरो यही ठहर !!

अन्याय त अहिले पनि भित्र भित्र बढी !
हेपिइने अनन्तको मनमा पीर कहर !!

विभेदको ठूलो खाडल पुर्ने योजना हो !!
तर सबै खरानी भो, बग्यो रक्त नहर !!

औंसी हो कि पूर्ण जून ? जान्दिन म केही !
गुलाम मिस्सी बास्सा एक्का को को बने दहर ??

आजाद भयो मेरो गजल शहीद शब्दहरू !!
रदिफले गर्यो क्रान्ति ठहरै भो बहर !!

को हुन् कौरव ? को हुन् पाण्डव ? चिन्न भयो मुस्किल !
लाग्छ समयको मनमा छ सुनामी लहर !!

०००
चितवन