नेपाली हास्यव्यङ्ग्य अनलाइन पत्रिका

एम् .पी . कियरलेस :

त्यो पनि त्यस्तै रैछ, यो पनि झुठो लागोस्
पुरानै दुनियाँ पनि नौलो नौलो लागोस्

आफै त त्यस्ता छौ, के दिन सक्लाउ ?
बस कहिलेकाहिँ मैले भनेको लागोस्

अब हिसाब बुझाएर मात्रै फर्किन्छु
मलाई पनि हिसाब बराबर भयो लागोस् ।

रुपैयाँले त जहर पनि पाइन्न अचेल
मलाई पनि ठुलै रिण उधारो लागोस्

गुलियोमा बिकिसके तिम्रा पनि कान
अब तिम्रो मनलाई पनि अप्ठ्यारो लागोस्

सायद अब म फर्किदिन्न पनि हुँला
मलाई फेरि फेरि पनि यस्तो लागोस्

उस्ले रातो डायरीमा लेखेको साँचो हुन्छ
यत्ति बुझ्दैनौ ? तिम्रो बुद्धिमा घाम चाँडो लागोस्

जसलाई बचाउँछस् उही मार्न खोज्छ
एमपी तेरो पछाडि किन ? को लागोस् ?

०००
लम्कीचुहा, कैलाली