नेपाली हास्यव्यङ्ग्य अनलाइन पत्रिका

महेन्द्र उपाध्याय :

त्यो पनि त्यस्तै रैछ, यो पनि झुठो लागोस्‌
पुरानै दुनियाँ पनि नौलोनौलो लागोस्‌

आफै त त्यस्ता छौ, के दिन सकौला र ?
बस कहिलेकाहीँ मैले भनेको लागोस्‌

अब हिसाब बुझाएर मात्र फर्किन्छु
मलाई पनि हिसाब बराबर भयो लागोस् ।

रूपैयाँले त जहर पनि पाइन्न अचेल
मलाई पनि ठूलै रिण, उधारो लागोस्‌

सायद अब म फर्किंन्न पनि हुँला
फेरिफेरि पनि मलाई यस्तो लागोस्‌

सरकारको जस्तै बनोस् तिम्रो बोली
झुठो बोल्दा पनि साँचोसाँचो लागोस्‌

जसलाई बचाउँछस् उही मार्न खोज्छ
एमपी तेरो पछाडि किन, को लागोस् ?

०००
लम्कीचुहा, कैलाली