नेपाली हास्यव्यङ्ग्य अनलाइन पत्रिका

नदी भट्टराई :

सारा निखार्यौ जनता नि खाऊ !
हे राज नेता ! अब झट्ट आऊ ! -१

यो स्वाभिमानी घरको कहानी
बैरी जगाईकन जो सुनाऊ ! -२

यो लालपूर्जा खुद देशको हो
सोचेर आफू परदेश धाऊ ! -३

पाटी र झण्डा अब हेरिदैनन्
गुम्ला सबैथोक लिएर जाऊ ! – ४

उद्योगधन्दाप्रति भ्रष्टचार,
हत्या र हिँसा नभए मगाऊ ! -५

जो नित्य कर्मादि सफा छ तिम्रो !
खेलेर आगोसँग ख्याति पाऊ ! -६

पुस्तौं युवाको जनजिन्दगी नै
छोप्यौ सदाझैँ अब झन् कमाऊ ! -७

साँढे बनेको घरभित्र छैन !
देख्नेहरूको दिल जो हटाऊ ! -८

यो स्वर्ग आफ्नो चपरी दुवाली
बेचेर आमा नवशान्ति ल्याऊ ! -९

०००
इलाम