पुरूषाेत्तम सिग्देलजाेरी नखाेज सर्कार
ठाेकेर झ्याल दैलाे खेद्याे भने बिरालाे आत्तेस भाे कि घाँटी फाेरीदिने छ सर्कार
पुरूषाेत्तम सिग्देल :
मान्छे हुने कला हाे झाेली नखाेस सर्कार
सञ्चार भावनाकाे बाेली नखाेस सर्कार
संस्कार भेष भाषा राख्ने यिनै चिनारी
जस्तै परे नि कैल्यै द्राेही नपार सर्कार
मान्छे पशुत्व सीमा काेर्ने छ सम्पदा याे
जिब्राे अवश्य चल्ला क्राेधी नपार सर्कार
जानेन तीर ताक्ने फर्किन्छ फाेर्छ छाती
आफ्नै गला छ रेट्ने जाेरी नखाेज सर्कार
ठाेकेर झ्याल दैलाे खेद्याे भने बिरालाे
आत्तेस भाे कि घाँटी फाेरीदिने छ सर्कार
हुँय्या चलाउँछाै या साँच्चै छ थुत्न आँट
भाग्ने रहन्न बाटाे साेची सुधार सर्कार
उत्ताउलाेपनाकाे जाे बन्दरूकथा छ
त्यस्तै हुनेछ च्यापे गाेडी सकार सर्कार ।
०००
२०८२/५/२१
काठमाडाैं
Subscribe
Login
0 Comments
Oldest
