नेपाली हास्यव्यङ्ग्य अनलाइन पत्रिका

सुरेशकुमार पाण्डे :

लौ हेरौँ धर्मात्माहरूको अनुहार असली,
हाम्रो समाजको धार्म गर्ने आधार असली।

पशुको बली चढाई स्वर्ग जाने बाटो बनाए,
किन ढाँट्नु कुरा देखेको छ संसार असली।

कतै खसी छन् कतै बोका, कतै राङ्गा, सुगुर,
यसैमा समेत धर्मीको हुँदै छ दरार असली।

भन्न मन लाग्छ मानव समाज नै संसारमा,
सबै भन्दा बिषालु हुन्छ र खुँखार असली।

धर्मका ठेकेदार भन त तिमीहरूले आफै,
क कसले गर्छौ प्राणीसँग प्यार असली।

स्वर्ग र नर्कको सपना देखाएर गर्छौ हत्या,
के यो होइन र सबैभन्दा अत्याचार असली ?

०००
दाङ घोराही १८
०२-१०-२०२५