नेपाली हास्यव्यङ्ग्य अनलाइन पत्रिका

पुरूषाेत्तम सिग्देल :

काँडा वृथा समायाै पाइन्छ फूल माथि
घाेच्ने स्वभाव घाेच्ला छुद्री छ मूल साथी

चाहिन्छ आज सच्चा याे देश हाेस् समाल्ने
छानाे बनाेस् सबैकाे प्रत्येक वर्ग जाति

मन्दीर हुन् सबैका झुप्रा कि या हबेली
पूजा सुकर्मकाे हाेस् सत्कर्म फूलपाती

नासाे दिएर पुर्खा छाडी गए पवित्र
भागा गरेर पेले बाँकी रहन्छ काती

खाँचाे छ दूरदर्शी विद्वान् पवित्र शुद्ध
सारा समेट्न सक्ने चाैडा उदार छाती

हाँसाे मुसुक्क खाेलाेस् सम्मानसाथ बाेलाेस्
उल्टा परे भगाऊँ आगाे फुकी खलाँती

सच्चा घडी परीक्षा काे याेग्य काे अयाेग्य
पाखा लगाउँ छुद्री विद्वान् लिऊँ समाती

शृङ्गार लाेकका हुन् सद्ज्ञानका पुजारी
जै जै भनून् सबैले मानिन्छ बल्ल जाती ।

०००
२०८२/१०/१५