नेपाली हास्यव्यङ्ग्य अनलाइन पत्रिका

पुरूषाेत्तम सिग्देल :

स्वर्ग यहीँ झारिद्यूँला भाेट दिएमा
दु:ख कष्ट टारिद्यूँला भाेट दिएमा

दैलेखकाे ग्यासटुटी घरै पु-याऊँला
प्याट्ट थिच्याे बल्छ चुह्लाे भाेट दिएमा

काठमान्डु पाेखरामा दाैडाइन्छ रेल
फेवाताल शैर गर भाेट दिएमा

जहाजका टिकट किन्न कार्यालय जाऊ
कलकत्ता मस्त घुम्नू भाेट दिएमा

लाेकमार्ग पूर्वदेखि पश्चिमका सम्म
माेनाेरेल दाैडाइन्छ भाेट दिएमा

कुनै नदी तुइनले तर्नुपर्ने छैन
काटिनेछ पूल जाेड्न भाेट दिएमा

जङ्गलमा पालमुनि बस्नुपर्ने हुन्न
टावरमा बसाइन्छ भाेट दिएमा

नदी किनारका बस्ती बग्न दिने छैनाै
नदीधार फर्काइन्छ भाेट दिएमा

सुकुम्बासी लालपुर्जा छाप्नमात्र बाँकी
फटाफटी बाँडिनेछ भाेट दिएमा

अशक्त र वृद्धवृद्धा भत्ता दिने पैलाे
चिह्न सके थपिद्यूँला भाेट दिएमा

गुप्त कुरा भनिदिऊँ नहाेस् तर हल्ला
नाेट बिट्टा भरिद्यूँला भाेट दिएमा ।

०००
२०८२/११/१ ।
काठमाडाैं