पुरूषाेत्तम सिग्देलजहाँ मल्खु छन् ढल्कु हाे राजनीति
उराल्ने उही सर्वहारा छ नारा धनी खाेकिला ठाँम राेज्जा परेथ्याे जहाँ माैसमी तालमा बज्छ बाजा घुसाई त्यहीँ माम आफ्ना भरेथ्याे ।
पुरूषाेत्तम सिग्देल :
हिजै हाे लिँदा नाम कुल्ला गरेथ्याे
तिनै मूर्ति रे धाम ढाेग्नै परेथ्याे
मुखुन्डाे यताकाे कि कैले उताकाे
भिरे हुन्न बद्नाम दाेग्ला परेथ्याे
उदाङ्गाे हओस् नैतिकी लाज नीति
जहाँ भेटिए दाम छिन्नै परेथ्याे
जहाँ मल्खु छन् ढल्कु हाे राजनीति
हसुर्नै मिले हाम चाैका परेथ्याे
उराल्ने उही सर्वहारा छ नारा
धनी खाेकिला ठाँम राेज्जा परेथ्याे
जहाँ माैसमी तालमा बज्छ बाजा
घुसाई त्यहीँ माम आफ्ना भरेथ्याे
दुनाछट्ट गाली तथानाम बाेली
छलीमात्र हाे काम धन्दा गरेथ्याे ।
०००
काठमाडाैं
२०८२/९/२३ ।
Subscribe
Login
0 Comments
Oldest
