कुमार खड्कारहरको दर
लाउकेका अनुहार जस्तो छवि उस्तै देखिने हुन् कापी, कलम, लेखकिय बुद्धि अनुसार लेखिने हुन् रैतिका चाह होलान् मदहोशीमै जीवन जिउने थाहा छैन कर्म, कर्ता, कैले, कहाँ सेकिने हुन् ।
कुमार खड्का :
सांस्कृतिक परम्परा पुँजीजिवी बनाइदिन्छन्
प्रगतिका वाहकले झन् हाउगुजी गराइदिन्छन्
राजनीतिक रङ्ग दल्दै इन्क्लाबको नारा जोड्दा
दरभित्रै विष लड्डुमा चरम स्वाद छिराइदिन्छन् ।
साम्प्रदायिक दरभित्र समाजवादी चर हुन्छ
क्रान्तिकारी स्वादसँगै साम्यवादको रहर हुन्छ
भरण पोषण भोज पाउँदा चाहिँदैन परिवर्तन
चारैतिर पेरिस कम्युन क्रान्तिकारी शहर हुन्छ ।
लाउकेका अनुहार जस्तो छवि उस्तै देखिने हुन्
कापी, कलम, लेखकिय बुद्धि अनुसार लेखिने हुन्
रैतिका चाह होलान् मदहोशीमै जीवन जिउने
थाहा छैन कर्म, कर्ता, कैले, कहाँ सेकिने हुन् ।??
धर्म, संस्कार र परम्परा के हो भन्ने जान्नुपर्छ
सही, गलत रीतिथिती सकार मोड छान्नुपर्छ
सांस्कृतिक शृङ्गारलाई आत्मसात गरौँ अब
स्वाभिमानी विवेकले पहिचान हाम्रो धान्नुपर्छ ।
०००
आलापोट, काठमाडौं
Subscribe
Login
0 Comments
Oldest
