नेपाली हास्यव्यङ्ग्य अनलाइन पत्रिका

अमर सन्तति :

१.
हिजोआज छेपारे कलर नै प्यारो छ
रुपिँयाको साटो युरो डलर नै प्यारो छ
चौका छक्का हान्ने त अर्कै हुन्छ यहाँ,
घरिघरी गल्ती गर्ने बलर नै प्यारो छ ।

२.
तिम्रो गाली सयपत्री मालाको हार लाग्छ
चिच्याहट कोइलीको बसन्त बहार लाग्छ
पलपल तड्पाउँछ्यौ परेली यी भिजाउँछ्यौ ,
आँसु पनि मायाँको मीठो उपहार लाग्छ ।

३.
मान्छे एक अर्कालाई खिसी टिउरी गर्न मन पराउँछ
अनावश्यक कुराले कानमा पिउरी भर्न मन पराउँछ
मानवीय स्वभाव हो या बुद्धि विवेक धेरै भएर हो !
आफ्नो भर्नको लागि अरुको दिउरी हर्न मन पराउँछ |

०००
भक्तपुर