नेपाली हास्यव्यङ्ग्य अनलाइन पत्रिका

हाेम सुवेदी :

१
साना खाले विधामा अक्षर गन्दा भैगो
छन्दमा लेख्न खोजे ठसठसी कन्दा भैगो
अलिक यहाँ मिलेन भनेछ कसैले भनेमा
मोबाइलले गर्दा यस्तो भएको हो भन्दा भैगो ।।

२
भुइँको माटो थाप्लामा घसेर नहुने रहेछ
देशभक्ति भनेको पेट कसेर नहुने रहेछ
अब विदेश नपसी भएन बा
देशको माया देशमा बसेर नहुने रहेछ ।।

३
अहिले साहित्यका पाठक निकै बढेछन्
हिजाे भन्दा स्तरमा पनि अलि माथि चढेछन्
कालक्रममा हुनु थियाे भएरै छाड्याे
हिजो लेखेको मेरै मुक्तक पनि तीन जनाले पाे पढेछन् ।।

०००
भद्रपुर, झापा