नेपाली हास्यव्यङ्ग्य अनलाइन पत्रिका

भगवती र देवराज पुडासैनीका सुपुत्र राजव २०११ कात्तिक १५ गते काठमाडौंमा जन्मिनुभएको हो । स्नातकोत्तर सम्मको शैक्षिक योग्यता लिनुभएका राजवको वास्तविक नाम जनार्दन पुडासैनी हो भने उहाँ हाल चाबहिलका हाल अमेरिका बस्नुहुन्छ । २०३० सालमा ‘एउटा बूढो विदेह’ शीर्षकको कविता प्रकाशनपश्चात् नेपाली साहित्यमा प्रवेश गर्नुभएका राजवको पहिलो कृतिको रूपमा २०४५ सालमा ‘समय-पीडा’ कथासङ्ग्रह प्रकाशित भएको थियो । यसैगरी ‘इतर जिल्लावासी’ (२०५०) कथासङ्ग्रह, ‘माननीय बनौट’ (२०५१) व्यङ्ग्यसङ्ग्रह लगायत अन्य पाँच कृतिहरू प्रकाशित छन् । राजव ‘मैनाली कथा पुरस्कार’ (२०५२), ‘गोपालप्रसाद रिमाल पुरस्कार’ (२०५२) लगायत थुप्रै सम्मान तथा पुरस्कारबाट पुरस्कृत, सम्मानित व्यक्तित्व हुनुहुन्छ । सम्पर्क : ४४८०६८६