निवारण लीला
राजाः तर त्यस्तो आयोगमा राख्न सकिने इमान्दार मान्छे कसरी पाउने ? भ्रष्टाचारीः म आज भोलि नै आफ्नो पदबाट रिटायर हुँदैछु सरकार, यदि त्यसमा मलाई राखियो भने.‘‘। राजाः अहो हुन्छ, तयार हुनुस् । भ्रष्टाचारीः हस् सरकार......।
उत्तर देशको एक उच्च पदीय भ्रष्टाचारी राजासंग भ्रष्टाचार निवारणबारे वार्ता गर्दै थियो,
राजाः देशमा प्रशस्त भ्रष्टाचार बढिरहेछ भन्ने कुरा साँचो हो ?
भ्रष्टाचारीः हो सरकार।
राजाः त्यसो भए यो चिन्ताको कुरो हैन त ?
भ्रष्टाचारीः हो सरकार ।
राजाः त्यसो भए यसको निर्मुल गर्नु पर्दैन त ?
भ्रष्टाचारीः पर्छ सरकार ।
राजाः त्यसो भए यसको निर्मुल गर्न के गर्नु पर्छ त ?
भ्रष्टाचारीः एउटा भ्रष्टाचार निवारण आयोग बनाउनु पर्छ सरकार ।
राजाः तर त्यस्तो आयोगमा राख्न सकिने इमान्दार मान्छे कसरी पाउने ?
भ्रष्टाचारीः म आज भोलि नै आफ्नो पदबाट रिटायर हुँदैछु सरकार, यदि त्यसमा मलाई राखियो भने.‘‘।
राजाः अहो हुन्छ, तयार हुनुस् ।
भ्रष्टाचारीः हस् सरकार……।
०००
(सर्वप्रथम २०५७ सालको एक्काइसौं शताब्दी मासिकमा प्रकाशित, लघुकथासंग्रहको पाण्डुलिपी ‘देशमा बांगिन थालेको राजनीतिले गर्दा’ बाट)