नेपाली हास्यव्यङ्ग्य अनलाइन पत्रिका

भीष्मकुमारी घिमिरे र पूर्णचन्द्र घिमिरेका सुपुत्र रमेशचन्द्र घिमिरे २०२८ चैत्र २१ गते भोर्लेटार, लमजुङमा जन्मिनु भएकाे हाे । नेपाली विषयमा स्नातकोत्तर घिमिरे शिक्षण पेशामा सम्वद्ध हुनुहुन्छ । ‘पुड्केको कुड्के कथा’ उहाँकाे पहिलाे हास्यव्यङ्ग्य रचना (साप्ताहिक विमर्श, २०४६) हाे । घिमिरेको पहिलो प्रकाशित कृति चाहिँ ‘मलाई माया गर्ने को को’ (बालचित्र पुस्तक) २०७२ हो । उहाँका अन्य तीन बालसुलभ कृतिहरू प्रकाशित छन् । उत्कृष्ट नेपाली विषय शिक्षक, जिल्ला शिक्षा कार्यालय लमजुङ (२०६६, २०७२ ) बाट सम्मानित घिमिरेले आधा दर्जन भन्दा ज्यादा पुरस्कारहरू प्राप्त गर्नु भएको छ । नेपाल बाल साहित्य समाज, काठमाडौंको आजीवन सदस्य रहनु भएका उहाँ अन्य दर्जनौँ संस्थाहरूमा आबद्ध हुनुहुन्छ ।