साइबर अपराध सम्बन्धी सचेतना सामग्री

हैँसाबुढी

रित्याए किन गाउँ त्यो शहरमा लागेर सारा लुँडी? एक्लो जीवन शून्य लाग्छ सबले भन्छन् नि हैँसाबुढी ॥

Nepal Telecom ad

रामशरण न्यौपाने :

काला केश नि काँस झैँ सब फुले गाला परे चाहुरी
घुम्दैनन् अब ओठ चुम्न सहसा ती भृङ्ग औ माहुरी
पोते छैन चुरा फुटे मन टुटे चर्किन्छ छाती चुँडी
एक्लो जीवन शून्य लाग्छ सबले भन्छन् नि हैँसाबुढी ॥१

राधा कृष्ण बनेर धेर बसियो झारेर तारा जुन
छालामा गहना अनेक भिरियो हीरा र चाँदी सुन
सानन्दी दिन जो थिए समयले सारा उडायो चुँडी
एक्लो जीवन शून्य लाग्छ सबले भन्छन् नि हैँसाबुढी ॥२

छोरा छन् जफती परन्तु अहिले छन् राजधानीतिर
माया औ ममता चुलिन्छ मुटुमा बल्झिन्छ मात्रै पिर
जाऊँ आदत छैन छोड्न घर यो पन्छी समानै उडी
एक्लो जीवन शून्य लाग्छ सबले भन्छन् नि हैँसाबुढी ॥३

गैह्री खेत थियो नि बाह्र हलको बेचे उडाए तर
भन्छन् मानिसले बसे शहरमा जोडेर जेथा घर
रित्याए किन गाउँ त्यो शहरमा लागेर सारा लुँडी?
एक्लो जीवन शून्य लाग्छ सबले भन्छन् नि हैँसाबुढी ॥४

खान्छन् पाङ्दुर नै बनेर सहसा लाखौँ झमेला गरी
आफैँ ढाल बनेर दुष्ट जनको सामन्तको बेसरी
नेता बन्छु ठुलो भनेर मदले हिँड्छन् ठड्याई भुँडी
एक्लो जीवन शून्य लाग्छ सबले भन्छन् नि हैँसाबुढी ॥५

०००
भक्तपुर

Subscribe
Notify of
guest

0 Comments
Oldest
Newest Most Voted
Nepal Telecom ad
कुनै छैनन् महान् देवकोटा समान

कुनै छैनन् महान् देवकोटा...

रामशरण न्याैपाने
गर्छौ भने चाकरी

गर्छौ भने चाकरी

रामशरण न्याैपाने
दसैँ मान्न पाऊँ सधैँ ज्येष्ठसाथ

दसैँ मान्न पाऊँ सधैँ...

रामशरण न्याैपाने
आधार ज्येष्ठको होस् साथी बनोस् समाज

आधार ज्येष्ठको होस् साथी...

रामशरण न्याैपाने
नाङ्गो नाच म हेर्छु

नाङ्गो नाच म हेर्छु

रामशरण न्याैपाने
वृद्ध वृद्धा सबै …

वृद्ध वृद्धा सबै …

रामशरण न्याैपाने
बुढाबुढी समस्तको

बुढाबुढी समस्तको

कविराज घिमिरे
नारी एकल छन् भने सकसमा …

नारी एकल छन् भने...

इन्दिरा प्रयास
अब आसिकले परिपूर्ण भयौँ

अब आसिकले परिपूर्ण भयौँ

दीनानाथ पाेखरेल
नारी एकल छन् भने

नारी एकल छन् भने

झाँक्रीखाेले
0
Would love your thoughts, please comment.x
()
x