नेपाली हास्यव्यङ्ग्य अनलाइन पत्रिका

देवीप्रसाद मिश्र :

जेठाबाको प्रश्न
थियो धर्ममा सभ्य हाम्रो गृहस्थ
भयो भित्र हेर्दा सबै अस्तव्यस्त
यसैमा अडेको छ सम्पूणर् सृष्टि
तथा गुम्छझैँ ईशको दिव्यदृष्टि ॥३४९॥

बनी कर्महारा विनाकामकाज
डुली चोक गल्ली चहार्दै समाज
कुनै सन्तको भेष धारी तमाम
ठगी कार्यमा छन् जपी रामनाम ॥३५०॥

कसैले डुबाए नसामा जवानी
विलासी पनाले बिगारेर बानी
बुढा या युवा प्रौढ यी,एकनास
भएझैँ कसैको नसामा छ बास ॥३५१॥

गुमाए कसैले यता गाँसबास
कमाए कसैले ठुलो अर्थ रास
बिचल्ली कसैका भए बालबच्चा
कसैले ठगी पूर्ण पार्छन् सदीक्षा ॥३५२॥

छ हेर्दा समस्या अनेकौँ थलामा
कुनै छैन जुट्ने यता सामनामा
न सत्ता,उता देखियो सभ्य नाद
चलौँ के गरी भन् न देवीप्रसाद ॥३५३॥
क्रमशः

०००
काठमाडौं