नेपाली हास्यव्यङ्ग्य अनलाइन पत्रिका

दीनानाथ पोख्रेल :

जन्मसार नभए नर बन्न गाह्रो।
सार राख्छु मन होस् कृत हुन्न साह्रो ॥
कर्मले मनुजको भवभार हर्ने ।
भोक, रोग घरका सब दूर सार्ने ॥०६॥

खुल्छ मार्ग हितको चुन कृत्य सार ।
वृद्धका वर लिई हिँड योग्य धार॥
जन्मको सफलता सक सिद्ध गर्न।
शान्तिको पथ चुनी भव पार तर्न ॥०७॥

वृद्धमन्त्र युगयोग्य सिकेर राम्रो ।
बन्छ सार्थक जुनी गर याद हाम्रो ॥
कर्ममार्ग बढ प्राप्ति अनन्त मिल्छ ।
गेह सकस कर्म समूल निल्छ ॥०८॥

भावना सरस पोख सुयोग्य मानून् ।
साधना अटल हुन् मन मार्ग छानून् ॥
कर्म पूज्य छ भनी दिलले बिचारोस् ।
मिल्छ शान्ति घरमा मनले उमारोस् ॥०९॥

खुल्दछन् पथ नयाँ अनि प्राप्ति बढ्छन्।
उन्दछन् सुख नयाँ फल गेह झर्छन् ॥
वृद्ध सूत्रमय छन् सब टिप्नुपर्छ ।
भोक, रोग, गरिबी उठ जित्नुपर्छ॥१०॥

०००
सुम्बेक, इलाम ।