पुरूषाेत्तम सिग्देलबुबा
सन्तान मायासित देश याे रुँदा नजान सन्देश दिलाउने बुबा सत्यम् शिवम् सुन्दर रूप हन् बुबा तीर्थादि देवस्थल मूर्त हुन् बुबा ।
पुरूषाेत्तम सिग्देल :
सञ्जीवनी बीज फुटाउने बुबा
याे सृष्टिमा जीव जुटाउने बुबा
न सिध्दिने मूल रसाउने बुबा
सुवासकाे फूल फुलाउने बुबा
जितेर गर्भस्थल दाैडकाे जुवा
संस्कारकाे मार्ग हिँडाउने बुबा
जीवात्म उड्दाेसरि सूक्ष्मकाे भुवा
अनन्त संसार, फिँजाउने बुबा
विदेशिने सन्तति लाखका हुँदा
यहीँ गरून् उद्यम चाहने बुबा
सन्तान मायासित देश याे रुँदा
नजान सन्देश दिलाउने बुबा
सत्यम् शिवम् सुन्दर रूप हन् बुबा
तीर्थादि देवस्थल मूर्त हुन् बुबा ।
०००
काठमाडाैं
Subscribe
Login
0 Comments
Oldest
