किशन पाैडेलअसली बाजे
हामीले ती सबै बाजेका पेडा पसल चाहर्न थाल्यौँ । भित्र पसेर हेर्दा सबैमा मिसावटयुक्त र दुर्गन्धित देखिन्थ्यो ।
हामीलाई असली पेडा खानु थियो । त्यसैले हामी असली बाजेको पेडा पसल खोज्दै थियौँ ।
एक जना अधबैँसे कराउँदै थियो –
“आउनुस् ! आउनुस् ! असली बाजेको पेडा पसल यही हो ।”
हेर्दा साइनबोर्ड आकर्षक थियो । हामी त्यतातिर मोडिनै लाग्दा अर्को तर्फबाट चर्को आवाज आयो-
“यो पुरानो बाजेको पेडा पसल हो यता आउनुस् यता !” हामी अलमलमा पर्यौं, अब कुन पसलतर्फ जाने ? सोच्दै थियौं ।
अलि परबाट एक जना वृद्ध कराइरहेका थिए-
“पुरानो असली बाजेको पेडा पसल त यता छ हजुर यतातिर आउनुस् ।”
हामी दुबिधामा पर्यौं र टक्क रोकियौं । गजबको विज्ञान रहेछ । कुन बाजे चाहिँ असली हुन् यकिन गर्न गाह्रो भो ।
हामीले ती सबै बाजेका पेडा पसल चाहर्न थाल्यौँ । भित्र पसेर हेर्दा सबैमा मिसावटयुक्त र दुर्गन्धित देखिन्थ्यो ।
हाम्रा राजनीतिक पार्टीहरू जस्तै !
०००
हेटौंडा
Subscribe
Login
0 Comments
Oldest
