साइबर अपराध सम्बन्धी सचेतना सामग्री

सापटी श्रीमती

कुनै मानिसले तबसम्म उसलाई किनिसकेको थियो । मुस्कुराउँदै निस्कँदै गर्दा उसले थप्न भ्यायो ‘राम्रो कुरो त सबैलाई काम लाग्ने पो हुनुपर्छ त ।’

Nepal Telecom ad

सञ्जय साह मित्र :

‘तेरी श्रीमती कस्ती काली । छि ! अनुहार हेर्दै घिन लाग्लाजस्तो ।’ फोटो दोकानमा फ्रेममा सजिएको हेर्दै परेवा जोडीजस्तो लाग्नेमध्ये पुरुषले नाकले घृणा फ्याँक्दै भन्यो ।

अर्को फ्रेमबाट आवाज निस्क्यो –‘अनुहारै पनि कस्तो नमिलेको ? रोएको हो कि हाँसेको थाहै नहुने’ । उसकी श्रीमती परीजस्ती देखिन्थी ।
‘बोली त काग कराएको । जिब्रोमा तरबार बाँधेजस्तो ।’ छेवैमा रहेको बौद्धिक फोटोले दार्शनिकता देखायो । बौद्धिक प्राणीकी पत्नीको मुस्कानले चन्द्रोदय गरेको थियो ।

‘त्यसमाथि झन् रिसाही’ पहिलोले बाँकी विशेषण थप्यो ।
‘मेरी श्रीमती कति राम्री, हाँसिरहने, हेर्दा हेरिरहूँ लाग्ने, सँगै लिएर हिँडीरहूँ लाग्ने, पार्टीमा झन् सबैले मेरै श्रीमतीतिर हेर्ने । आफ्नो इज्जत गर्वले बढ्ने । श्रीमती होओस् त यस्ती ।’ उसकी श्रीमतीको कुनै आलोचना नगरी भद्र फोटोले प्रशंसा गरेरै हेप्न खोज्यो ।

आलोचना नभएको दिनलाई शुभ नमान्ने जोडीमध्ये पोइ फोटोले जित्ने गरी जबाफ दियो – ‘कोही मलाई आफ्नी श्रीमती एक दिनको लागि सापटी देऊ । राम्री श्रीमती लिएर एउटा कार्यक्रममा जानु छ ।’ अघिदेखि आलोचना र प्रतिआलोचना चैँ ढुंगो जस्तै भएर सुनेको थियो । उसैकी श्रीमती, तिनीहरुको भाषामा, असाध्यै नराम्री थिई ।

श्रीमान्को प्रस्ताव सुनेर सबै फोटो एकापसमा हेराहेर गरे र मूर्तिजस्तै चुपो लागे ।
‘उसो भए, मलाई जुनसुकै बखत काम लाग्ने मेरै श्रीमती राम्री’ भन्यो ।

कुनै मानिसले तबसम्म उसलाई किनिसकेको थियो । मुस्कुराउँदै निस्कँदै गर्दा उसले थप्न भ्यायो ‘राम्रो कुरो त सबैलाई काम लाग्ने पो हुनुपर्छ त ।’

हारेको मुस्कान बाँकी फोटाहरुको अनुहारमा दाैड्यो ।

०००
रौतहट

Subscribe
Notify of
guest

0 Comments
Oldest
Newest Most Voted
Nepal Telecom ad
अवैध कुखुराको चल्ला

अवैध कुखुराको चल्ला

सञ्जय साह मित्र
पागलको पनि पापी पेट हुन्छ

पागलको पनि पापी पेट...

सञ्जय साह मित्र
परिधानको भद्र आन्दोलन

परिधानको भद्र आन्दोलन

सञ्जय साह मित्र
दुइमुखे म

दुइमुखे म

सञ्जय साह मित्र
हात्ती पाटी

हात्ती पाटी

सञ्जय साह मित्र
नागरिकता

नागरिकता

सञ्जय साह मित्र
0
Would love your thoughts, please comment.x
()
x