कमल भैरवेलीहरिबोधनी व्रत
आज ऊ ईश्वर पृय भएर समय बिताउन चाहन्छ । यसै खुसीमा उसले आज गाजरको हलुवाको स्वादबाट पनि बन्चित हुन चाहँदैन ।
कमल भैरवेली :
भोगप्रसादले सधै झैँ यो पालीको हरिबोधनी एकादशीको व्रत लियो । बिहान उठ्यो स्नान गर्यो हरि ॐ उच्चारण गर्यो ,पुजापाठ गर्यो । एक गिलास दूध, काजु, किसमिस, बदाम पास्ता आदि खायो । एकछिन ध्यान बस्यो । तत्पश्चात फलफूल आदि खायो । एकछिन भजन किर्तन गर्यो। त्यसपछि साबुदाना खायो ।
एकछिनपछि विविध किसिमका तरुल, खरखण्ड आदि खायो । अनि धार्मिक ग्रन्थ पाठ गर्न थाल्यो । ततपश्चात् मिश्रीकोकाँडा पानी खायो । प्रशस्त फलाहार गर्यो ।
दाल भात तरकारी अचारको यादले भने उसलाइ सताइ नै रह्यो । तर उसले कुनै हालतमा व्रत तोड्ने पक्षमा छैन । दालभात तरकारी अचारले उसलाई ईश्वरको उपासनाबाट बन्चित गराएको हो भन्ने कुरा बुझेको छ ।
आज ऊ ईश्वर पृय भएर समय बिताउन चाहन्छ । यसै खुसीमा उसले आज गाजरको हलुवाको स्वादबाट पनि बन्चित हुन चाहँदैन । रातिसम्म उसले अझै केही नयाँ गैर- अन्न परिकारको स्वाद ग्रहण गरेर ईश्वरलाई मनग्गे खुसी पार्न चाहन्छ । आज ऊसले अन्न हालेन । अस्तु
०००
भैरहवा
Subscribe
Login
0 Comments
Oldest
