हामी घोडा दुई कौडीका

हामी घोडा दुई कौडीका
बस् भने बसिदिन्छौँ
उठ् भने उठिदिन्छौँ
हिँड भने हिँडिदिन्छौँ
दौडीभने दौडीदिन्छौँ
मालिक जेजे आदेश दिन्छ
हामी त्यहीत्यही गरिदिन्छौँ
हामी पशु फोहर छिँडीका
हामी घोडा दुई कौडीका ।
कहिले मालिक मातेर आउँछ
हाम्रो ढाडमा बान्ता गर्छ
जथाभावी गाली गर्छ
त्यस्सै सत्तोसराप गर्छ
हामी चल्मलाउनुहुन्न
उसलाई केही भन्नुहुन्न
हामी पशु फोहर छिँडीका
हामी घोडा दुई कौडीका ।
हाम्रो कुनै औकात छैन
हाम्रो कुनै मूल्य छैन
हाम्रो कुनै सपना छैन
हाम्रो कुनै संसार छैन
हाम्रो काम भारी बोक्ने
हाम्रो काम मालिक रिझाउने
हामी पशु फोहर छिँडीका
हामी घोडा दुई कौडीका ।
हाम्रो मालिक भाषण गर्छ
बहुत मिठो कुरा गर्छ
दासप्रथाको विरोध गर्छ
ठालुहरूको खोइरो खन्छ
हाम्रो निम्ति आँसु झार्छ
हाम्रै दानापानी खोस्छ
हामी पशु फोहर छिँडीका
हामी घोडा दुई कौडीका ।
गफमात्रै हाँक्नेसँग
हाम्रो मालिक साह्रै खुसाउँछ
काम गर्ने कर्मीसँग
किनकिन त्यस्सै रिसाउँछ
जयजयकार गर्नुपर्छ
उसको निम्ति मर्नुपर्छ
हामी पशु फोहर छिँडीका
हामी घोडा दुई कौडीका ।
हेटौंडा
मुखले फलाक्छन्

मुखले फलाक्छन्

आर.आर. चौँलागाइँ
शहर र मान्छेहरू

शहर र मान्छेहरू

आर.आर. चौँलागाइँ
पाँच हाइकु

पाँच हाइकु

आर.आर. चौँलागाइँ
दुई ठोक्तक

दुई ठोक्तक

आर.आर. चौँलागाइँ
कमरेडकाे शपथ

कमरेडकाे शपथ

घनश्याम न्याैपाने परिश्रमी
ट्वाइलेट मन्त्रालय

ट्वाइलेट मन्त्रालय

काशीनाथ मिश्रित
ढुङ्गा र भगवान

ढुङ्गा र भगवान

खगेन्द्र नेउपाने
भैरव दाइलाई चिठी

भैरव दाइलाई चिठी

डम्बर घिमिरे
कस्तो दुर्भाग्य !

कस्तो दुर्भाग्य !

वासुदेव पाण्डेय
स्कुल चाहिँदैन

स्कुल चाहिँदैन

प्रेम राई ‘परीक्षित’