नेपाली हास्यव्यङ्ग्य अनलाइन पत्रिका

उसको पछि लगेर,
चोर बाटो हिड्न सकिएन !
यसको साथ लगेर,
ठगी गर्न सिकिएन !

उसको ईसारामा,
कालोलाई सेतो भनिएन !
यसको आदेश मानेर
कसैको खुट्टा तान्न सकिएन !

उसको कुरा मानेर,
बेइमानीको खान सकिएन !
यसको भकारी भर्न,
जनताको पसिना सोहर्न पनि सकिएन !

ऊ लुटको कुरा गर्छ !
यो ठगीको कुरा गर्छ !
ऊ बेइमानीको कमाई खान्छ !
यो लुटको कमाई खान्छ !

रुप फरक भए पनि,
पेशा एउटै देखे पछि,
झन्डा फरक भए पनि,
मंसा एउटै बुझे पछि,
जय भन्न सकिएन !
पछि लाग्न सकिएन !

०००
गोरखा