नेपाली हास्यव्यङ्ग्य अनलाइन पत्रिका

घरकी स्वास्नी गाली गर्छे टेडा आँखा पारी
कुकुरको झोल पिएर आयौ खेद्छु डाँडापारी।
गेडो चामल घरमा छैन भट्टीमै सक्यौ पैसा
के खानलाई घरमा आयौ भट्टीमै जाउ बस्न ।।

लाग्छ प्यारी किन मलाई भट्टीकी त्यो साहुनी
नभए नि पैसा कहिलेकाँही उधारोमै चल्ने ।
गोजी छाम्ने निहुँले पनि अँगालोमै आउने
भोलि दिन्छु भन्दा पनि मुस्काइ-मुस्काइ जाने ।।

खुशी धेरै हुन्छु मत भट्टीकै त्यो झोलमा
काली पनि गोरी देख्छु भट्टीकै त्यो झोलमा ।
दोष मेरो हो कि हजुर भट्टीको त्यो झोलको ?
जात, धर्म, बर्ग एकै देख्छु भट्टीको त्यो झोलमा ।।

०००
रातोपुल, काठमाडौं