भूमिका खनालम र रक्सी
बस् म चुपचाप सुन्थेँ अनि उडाईदिन्थेँ हावासँगै बदलामा आज ऊ मेरी रहन सकिन क्षितिजपारि पुगेकी आमालाई आउ फर्केर म तिम्रो सन्तान सुध्रिएँ भन्न सकिनँ ।
खाएको त रक्सी मात्र हो
रक्सी र सितनसँगै
मैले आमाको सपना
श्रीमतीका रहर
सन्तानको खुशी
कत्ति बेला निल्दै गए पत्तो भएन
आफन्त सकिए
पाखो बारी सकियो
इमान इज्जत सकियो
लाग्थ्यो जिन्दगीभरी
सिर्फ म केवल रक्सी पिउँदैछु
तर रक्सीले मलाई पल पल पिएको पत्तै भएन ।
कति बेला मेरा हरेक खानाका
परिकारलाई सितन बनाएँ
कमाएको सबै पैसा त्यसमै खन्याए
पल पल रक्सीका बोतल र चुरोटको धुवाँसँगै
कसरी निरन्तर मैले
आमाका सपना
चुपचाप चुपचाप निल्दै गएँ
म आफू रक्सीसँगै बिल्दै गएँ ।
सन्तान पराई भए
आफ्नी श्रीमती आफ्नी नै बनाउन सकिनँ
घरिघरि त उसलाई निहालेको थिएँ,
उसको खुम्चिएको बैश
निमोठिका रहर
कसरी भक्कानिदै पोखिन्थे
बस् म चुपचाप सुन्थेँ
अनि उडाईदिन्थेँ हावासँगै
बदलामा आज ऊ मेरी रहन सकिन
क्षितिजपारि पुगेकी आमालाई आउ फर्केर
म तिम्रो सन्तान सुध्रिएँ भन्न सकिनँ ।
पिउनु र जीउनु आफ्ना भए
अरु सबै छुटिदै गए ।
रक्सीले जिन्दगी बनाउन सकिन
मलाई तिम्रो असल सन्तान भनाउन सकिनँ आमा !!
०००
सुन्दरहरैँचा, मोरङ
