नेपाली हास्यव्यङ्ग्य अनलाइन पत्रिका

आर. आर. चौलागाईं :

न यसले हामीलाई बाटो बनाउन दिन्छ
न यसले हामीलाई खाल्डो पुर्न दिन्छ
न यसले हामीलाई फोहर उठाउन दिन्छ
न यसले हामीलाई काँध फेर्न दिन्छ
न यसले हामीलाई भारी बिसाउन दिन्छ
न यसले हामीलाई निदाउन दिन्छ
न यसले हामीलाई सपना देख्न दिन्छ
महादेवले सतीदेवीको लाश बोकेजस्तै
यो गणतन्त्रको लाश हामीले कहिलेसम्म बोक्ने ?
न यसले हामीलाई सास फेर्न दिन्छ
न यसले हामीलाई आँखा हेर्न दिन्छ
न यसले हामीलाई हाँस्न दिन्छ
न यसले हामीलाई बाँच्न दिन्छ
न यसले हामीलाई गाँस दिन्छ
न यसले हामीलाई वास दिन्छ
न यसले हामीलाई कपास दिन्छ
महादेवले सतीदेवीको लाश बोकेजस्तै
यो गणतन्त्रको लाश हामीले कहिलेसम्म बोक्ने ?
न यसले हामीलाई न्याय दिन्छ
न यसले हामीलाई निसाफ दिन्छ
न यसले हामीलाई उर्जा दिन्छ
न यसले हामीलाई ढाडस दिन्छ
न यसले हामीलाई भरोसा दिन्छ
न यसले हामीलाई निकास दिन्छ
न यसले हामीलाई विश्वास दिन्छ
महादेवले सतीदेवीको लाश बोकेजस्तै
यो गणतन्त्रको लाश हामीले कहिलेसम्म बोक्ने ?

०००
२०८० मङ्सिर ६