नेपाली हास्यव्यङ्ग्य अनलाइन पत्रिका

हाेम सुवेदी :

हाम्रो सरकार जागेको छ
देशमा गणतन्त्रको भूत पनि जागेको छ
देशमा गणतन्त्रले केही थानको रगत फेरि मागेको छ
दौरासुरुवाल र टोपी लाउनेको जमात
तिनकुनेबाट अलिक अगाडि लागेको छ
सरकार पनि र गणतन्त्र पनि जागेको छ
यी नेपालको झन्डा बोक्ने
नेपालको राष्ट्रिय पोसाक लगाउने
अराष्ट्रियहरुलाई गणतन्त्रले ठोक्ने छ
बङ्करदेखि बोकेको बन्दुक
काँधमा लिएर ठोक्नेछ

खबरदार
खबरदार
नेपाल भनेपछि हिरिक्क हुनेलाई
गणतन्त्रले ठोक्नेछ
होसियार देशभक्तहरु
होसियार नेपालभक्तहरु
गणतन्त्रले टोक्नेछ
उसले सीमा तोक्‍नेछ
रगत पसिना धोक्ने छ
बन्दुकमा रबरका गोली मात्र हैन
सिसाका गोली नै बोक्ने छ
देशमा राष्टवादीलाई
तीनकुनेमै रोक्नेछ
आफ्नो डम्फू बजाएर खोक्नेछ
होसियार देशभक्तहरु
होसियार नेपालभक्तहरु
होसियार
राष्ट्रिय पोसाक लगाउनेहरु होसियार ।

०००
भद्रपुर, झापा