नेपाली हास्यव्यङ्ग्य अनलाइन पत्रिका

जीवन आचार्य  निश्चल :

जदौ मालिक
मर्जिहवस्
सबेरै दौरा सुरुवाल र,
कोटको फेर समात्न आउनेहरू
आउछन् र मिठो ललिपप पाउँछन्
नआउने, नपाउनेहरु र्‍याल काड्छन् ।

खाइसिएला आनन्दले
हामी छँदै छौ
भनिसियो – जुत्ताजको बोल्ने शैली यहि हो ।

थोत्रो कमिज सुरुवाल र,
फित्ते चप्पल पटकपटक पटकाउँदै
जुत्ताजहरू खुट्टाको को फन्को लगाउँछन्
घाम नझुल्कदै ।

जुत्ताजहरू
आफैमा बेमेल छन्
जुत्ताजहरू मध्यकै जुत्ता हो उ
उसमा किन अहम छ ?

न्यायलयमा पनि
जुत्ता नै हेरिन्छ किन?
जुत्ताज हुनु, जुत्ता र खुट्टा हुनुमा फरक के ?
एकै कम्पनीको हो नि ।

अङ्ग रक्षक बनेर अघिल्तिर तेर्सिन्छन्
आफैले थापन्छन् अनेकचोट
र बचाउँछन् खुट्टालाई
अन्तिममा
खुट्टाले जुत्ताजका सबै सपना लक्ष्य ठाडै खान्छ र,
अँगार ओकल्छ
अनि भन्छ
कोइलाभित्र खोतल्नु हिरा भेटिन्छ ।

अनुहार नै कालो हुनेगरी
तछाड-मँछाड गर्दै काममा लागे
वर्षौपछि काम पाएका छन् जुत्ताजहरूले ।

०००
बागमती नगरपालिका- ११ कर्मैया, सर्लाही