अनिल श्रेष्ठकेही गुट्खा कविता
धेरैले भने सपनाहरू लुटिएपछि उसले रक्सी पियो धेरैलाई थाहा छैन रक्सी पिएरै उसले यहाँ सपनाहरू लुटिरहेछ ।
अनिल श्रेष्ठ :
बेसरम
`धेरै खाए
गुँड पनि तितो हुन्छ´
उसले भन्यो
र,
तितो फ्याँक्न
उसले गुँडमा चिनी हाल्यो
र खायो ।
आङमा घाम
जाडोमा
घाम ताप्न बसेँ
जिउ किन तातिन्न भनेको
बाक्लो ज्याकेटले
आङमा
घामको न्यानो
छेक्दो रैछ
साँच्चै
आङ नतात्तिइ
जिउ तात्तिदो रैन´छ ।
रक्स्याहा
धेरैले भने
सपनाहरू लुटिएपछि
उसले रक्सी पियो
धेरैलाई
थाहा छैन
रक्सी पिएरै उसले
यहाँ सपनाहरू लुटिरहेछ ।
०००
तनहुँ
