नेपाली हास्यव्यङ्ग्य अनलाइन पत्रिका

अनिल पौडेल कीर्ते :

ओई सरकार दाम दे
दाम दिन्नस् ? काम दे
काम दिन्नस् ?
मेरो पेट छाम्दे
मेरो परिवारको जीवन थाम्दे

मेरै आँसु पिउँछस्
मेरै रगतले जीउँछस्
मेरै पसिनाले प्यास मेट्छस्
त्यसपछि मेरै गला रेट्छस्
ओइ सरकार पासो दे
झुण्डिन्छु म तँ हाँसो दे

जनतालाई जिउँदै जलाउने भइस्
रुखका हाँगामा फलाउने भइस्
ताकेर गोली दबाउन सिकिस्
जनताको कलेजो चपाउन सिकिस्
ओई सरकार तेल दे
जीवन माग्नेलाई जेल दे
तँ पस्ने यमराजको तेलको कराहीमा
पैले यो देशै ठेल दे ।

०००
काठमाडौं