कालीप्रसाद रिजालनयाँ सडक
नयाँ सडक गनाउँदै गइरहेछ कुहेको फर्सी जस्तै भित्र-भित्रै चाउरिँदै गइरहेछ बूढी कन्या जस्तै ओरालो लागेको थसुल्ली अधवैँसेका झैँ हो नयाँ सडकको सिँगार भने बढ्दै गइरहेछ ।
कालीप्रसाद रिजाल :
नयाँ छैन यो सडक
खालि आँखाहरू बासिँदै गइरहेका छन्
विशेष केही भएको छैन
सालिकहरूको पुनर्गठनबाहेक
मकाएको भित्तामा
चुन रङ्गाएको बाहेक
जन-सेवा र खरीको बोटको
नयाँ योजना बाहेक
सडक त उही छ
हिँड्ने, स्टाइल, बदलिरहेछ
जत्ताका ‘डिजाइन’
पोशाक र जुल्फोको ‘कट’ बदलिरहेछ
उस्तै छ भूगोल पार्क
नगर पञ्चायत ‘आफिस’
वारुण-मन्त्रालय
न्यूरोडको ‘साइन-बोर्ड’ ढल्काए पनि
उस्तै छ जुद्ध-सडक
अखबारका हेडलाइन बदलिएको भरमा
खालि ‘पिक्चर’ बलिएको भरमा
‘क्यालेण्डर’ का पाता बदलिएका भरमा
एक दुई ओटा नयाँ सारी बाहिर झुण्ड्याएर
दुई चारओटा नयाँ अनुहार पेटीमा उभ्याएर
नयाँ सडक धक्कू देखाउँछ नवीनताको ।
वस्तुतः नयाँ सडक गनाउँदै गइरहेछ
कुहेको फर्सी जस्तै भित्र-भित्रै
चाउरिँदै गइरहेछ
बूढी कन्या जस्तै
ओरालो लागेको थसुल्ली अधवैँसेका झैँ
हो नयाँ सडकको सिँगार भने बढ्दै गइरहेछ
‘ब्रेसर’ को नम्बर सँगसँगै ।
०००
काठमाडौं
‘छात्र-प्रभा’ वर्ष ५, अङ्क ३ , छ्याक्कन (२०३१)
Subscribe
Login
0 Comments
Oldest
