नेपाली हास्यव्यङ्ग्य अनलाइन पत्रिका

कालीप्रसाद रिजाल :

अइया अइया फत्र्याक फत्र्याक
मन्त्रीजी बेचैन थिए
छिनमा उठ्थे छिनमा बस्थे
बिचरा ती बेहाल थिए
एलोपेथिक ह्विस्की खाए
आयुर्वेदिक कोदो ठर्रा
कुनै औषधी तर लागेन
दुधिला ऐला सबै पचाए
नमस्कारले छुँदै छुएन
सलामले पनि असर गरेन
बढाउ गर्दा फुरुङ्ग हुन्थे
एज कसैको जोड चलेन
आखिर दौडादौड गरेर
प्राथमिक स्कुलसम्म पुर्याएँ
अनुदान पाए पछि बन्ने-
घरको शिलान्यास गराएँ
शिक्षा दीक्षा पाऊँ भनेर
झटपट मञ्चमा खडा गराएँ
थपडी के बच्चाले ठोके
हुलुक्क हुलुक्क अनि सुरु भयो
तीन कोपरा भाषण छादेपछि
मन्त्रीजीलाई आराम भयो ।

०००
विदेह हास्यव्यङ्ग्य अङ्क- २०३४ ।
हास्यव्यङ्ग्यकार नालीबेली (२०८२)