नेपाली हास्यव्यङ्ग्य अनलाइन पत्रिका

अन्जु शर्मा :

सर्वहाराहरू ! सत्ताका लागि झगड्छन्
नेता बन्दै कार्यकर्ता थुपार्छन् ।
गोल सर्कलको बीचमा बसी
जनतालाई आफैँ भेडा बनाउँछन् ।

अभावले पिल्सिएको दीनहीन जनता
हातमुख जोर्न पिछलगु बन्छ ।
सीप सिक्ने पाउदैन मौका
नेताकै प्यारो कार्यकर्ता बन्छ ।

उमेर नपुग्दै छोरी बलात्कृत हुन्छे
बेरोजगार छोरो दुर्व्यसनी बन्छ ।
छैन उपाय घर समाल्नलाई
अनि बाबुआमा वृद्धाश्रम राख्छ ।

खेतीको जमिन बन्जड बनाई
कुहिएका चामल पोलिथिनमा किन्छ ।
गुन्द्रुक ढिडो अब खाँदैन उसले
बरू सुगर जाँच्न क्लिनिक धाउँछ ।

न उद्योग धन्दा, न बन्द व्यापार
यूवक जति वैदेशिक रोजगारमा ।
यो देशको कानुन नजानेकै राम्रो
प्रजातन्त्र हाम्रो, गणतन्त्र राम्रो ।

०००
रातोपुल