नेपाली हास्यव्यङ्ग्य अनलाइन पत्रिका

अन्जु शर्मा :

हिजो बन्दुक बोक्नेका नायिके
आज उतैतिर बन्दुक तेर्साउछन् ।
धर्म निरपेक्षको खोल ओढेर
आफैं मन्दिरमा पूजा लाउँछन् ।

हिजो सामन्तवाद र तानाशाह विरूद्ध
नारा लगाउँदै हिडेको बिर्सेर
आज आफैँलाई
सामन्ती संस्कारमा डोर्‍याउछन् ।

त्यसैले होला
देशमा अराजकता बढेको छ ।
बजार संयन्त्र मात्र तानाशाहको
एकाधिकारमा अडेको छ ।
शिक्षा, स्वास्थ जस्ता
गरिमामय क्षेत्रमा
सेवा स्तरीकृत भएको छ ।

न्याय क्षेत्र आशिर्वादले चल्ने भएसी
निमुखाको न्याय कसरी
सम्वोधन होला ?
दुर्भाग्य !!
सर्वहाराको प्रतिनिधित्व गर्न
उचालिएका कदमहरू
तानाशाहको ढोल बजाउन
व्यस्त देखिन्छन् ।

साँच्चै !!!
सहि ढङ्गले बाँच्नुहुन्छ भने
तपाईं पनि नवसामन्तको
गुलाम गर्नुस् ।
युग परिवर्तन हैन,
समाज परिवर्तन हैन
तपाईं आफू परिवर्तन हुनुहुनेछ
अनि सामन्त बन्नुहुनेछ ।

०००
रातोपुल, काठमाडाैं