नेपाली हास्यव्यङ्ग्य अनलाइन पत्रिका

सुरेश भट्ट :

ओ हेलो ? गोरुजी यता सुनौँ त ?
तिमीहरू नारिने नारा एउटै छ
तिमीहरूले काँध थाम्ने जुवा एउटै छ
तिमीहरूको बाँधिने जोतारा एकै छ
तिमीहरूले जोत्ने हलो एउटै छ
तिमीहरूलाई न्याँक्ने सोईला एकै छ
तिमीहरूलाई लगाउने मोहोला एकै छ
तिमीहरूलाई एउटै सियोमा हिँडाउने अनौ एउटै छ
तिमीहरू सियोबाट दायाँबायाँ लागेमा ठोक्ने लौरो एउटै छ
तिमीहरू सबैले मानेको माहुते गुरू वचन ह ह ह… एउटै छ
तर
तिमीहरूलाई टाँडमा थलामा लगेर टाँगेर बाँधेर जब घाँस हालिन्छ
तब सिङ एक आपसमा जुधाएर बजाएर तिमी
डाम्नाहरू लर्न जुध्न थाल्छौ किन ?
के तिमीहरूलाई एकोहोरो सियोमा हिँडाएर
त्यही सियोमा नारा जोतारा हलो सहितै
मर्नु पर्छ भन्ने तिम्रा दाउने गुरूले त्यही  मन्त्र दिएका छन् ?
हैन भने डाम्ना डुँडमा जे छ घाँसपात ढुटो कुँडो त्यही खाऊ बस झगडा नगर ।
मने भन्नै मन लाछ गोरुको झगडा कति तगडा
ऊ तो हो तो गोरु गोरु मिलेर जोतारु ।
जय गोरूवाद हलो सियोमा हाल
दायाँ बायाँ खबरदार कतै नलाग ॥

०००
गोरखा, हाल काठमाडौं