सुरेश राईबाटो
तिमी ठूलो पत्थर हौ धन्न मेरो शिर ठोक्किएन र बच्यो मेरो शिर म तिमीलाई टोपी बनाउन चाहन्थेँ तिमी पत्थरै पत्थर रहेछौ धन्न ठेस लागेर लडिनँ र बच्यो मेरो छाती
सुरेश राई :
कुनै दिन भयंकर पिएको बेला
आधा होस् गुमाएर
आधा होस् सम्हालेर
ढुल्मुल ढुल्मुल
पश्चतापको बाटो
तिम्रो दैलोसामु आइपुग्ने मन छ
र छिमेकीले छ्याङ्गै सुन्नेगरी
तिमीलाई केही बताउने मन छ
तिमी ठूलो पत्थर हौ
धन्न मेरो शिर ठोक्किएन
र बच्यो मेरो शिर
म तिमीलाई टोपी बनाउन चाहन्थेँ
तिमी पत्थरै पत्थर रहेछौ
धन्न ठेस लागेर लडिनँ
र बच्यो मेरो छाती
म तिमीलाई मुटु बनाउन चाहन्थेँ
साँच्चै भन्ने हो भने….
तिमी मूर्ति बन्न नि लायक रहिनछौ
म तिमीलाई ईश्वर बनाउन चाहन्थेँ
मेरो घरको तीन चुल्होको
गौरव बनाउन चाहन्थेँ
यत्ति भनि राखेर
ढुल्मुल ढुल्मुल
सन्तुष्टिको बाटो
आफ्नै घरतिर फर्कने मन छ
र भोलिदेखि फेरि खोज्ने मन छ
माया भएको मान्छे
मेरो प्रेम बुझ्ने मान्छे
र हिंड्न मन छ फेरि यौटा
नयाँ बाटो ।
०००
सम्झनाको फोटोकपी (२०८१)
Subscribe
Login
0 Comments
Oldest
