नेपाली हास्यव्यङ्ग्य अनलाइन पत्रिका

गाेपेन्द्रप्रसाद रिजाल :

ठोक फित्कौली ठोक
गाउँ खाली हुँदैछन्
मान्छे जाली हुँदैछ्न्
बाँसघारी बढ्दैछ्न्
फित्कौली भाटा चढ्दैछन्
ठोक फित्कौली ठोक

सरकारको धोती छैन
जनतासंग लोति छैन
जोति खाने सोति छैन
सिदा गर्ने बोति
छैन भन्ने हुति छैन
ठोक फित्कौली ठोक

नायक नायिका नाङ्गा छ्न्
सोचाइ बुझाइ बाङ्गा छ्न्
फित्कौली खुराक कति कति
ढिकुटी निथार्छ्न सके जति
ठोक फित्कौली ठोक

पण्डितहरु खण्डित छ्न्
देउताबाटै दण्डित छ्न्
हेर्यो चारपाटा मण्डित छ्न्
ठोक फित्कौली ठोक

ताक्ने मट्याङ्ग्रा कति कति
अझै भेला पार सकेजति
सबै तालु आलु छ्न्
ठोक्ने केटा सिपालु छ्न्
ठोक फित्कौली ठोक
देशको दायित्व बोक ।
जदौ !!!

०००
काठमाडाैं