नेपाली हास्यव्यङ्ग्य अनलाइन पत्रिका

डा. लोकेन्द्रप्रसाद पौड्याल :

विकासको नारा फस्यो
विवादको घानमा
पार्टी भए एकोहोरो
फाइदा तानातानमा ।

सरकारको जिम्मेवारि
अस्तव्यस्त रह्यो
सेवा प्रति लाग्ने ध्यान
बाझाबाझमा गयो ।

तरपनि नेता गाउँछन
पार्टी गित दङ्ग
मतदाताले चिनेका यी
छैनन् जनतासँग ।

सुशासनको कुरा गरे
सत्ता पारा तात्छ
भन्नेलाई सम्भवत
झुटो मुद्दा लाग्छ ।

सुधारको छन्को छैन
बोकेका छन् खोट
हे भगवान कस्तालाई
हाम्ले दियौँ भोट ?

गन्जागोल भो परिस्थीति
राजनीतिको नाममा
चारैतिर निरासा छ
आश गर्ने ठाममा ॥

०००
काठमाडौं